گۆرانی کوردی

عومری جوانی – میکایل

عومری جوانی
گۆرانیبێژ: میکایل

ئەگەر عومری جوانی و گەنجیم بە تۆ بەخشی، مناڵ نەبووم
لە ئێوارەی تەنیاییدا بەدمەست نەبووم، خەیاڵ نەبووم
ئەگەر غەرقی ئەوینت بووم، خۆ باڵندەی بێباڵ نەبووم
یان هەناری دارهەتاوی ناو بەفرەکەی مەغریب نەبووم
بڕۆ ئیتر جارێکی تر تۆ بە نەرمی نامبینیەوە
من بەفر بم تۆ خۆرەتاو هەر ئەبێ تۆ بتوێیتەوە

ئەگەر هاتم پەیامێک بووم لە کانی ڕۆشنتر
وەک پەروانە لەو دێو بەهار بێزمان و غەریبتر
بەڵام حەیف بوو هەزاران حەیف، تۆ سێبەرت دڕک و خار بوو
ئەوین لای تۆ هەر درۆ بوو، بیابانی پڕ لە مار بوو
بڕۆ ئیتر تازە هەرگیز نێوی دڵم نادەم بە تۆ
هەرگیز مەلی خۆشەویستی نافڕێنمە باغچەی دڵی تۆ

ئەگەر عومری جوانی و گەنجیم بە تۆ بەخشی، مناڵ نەبووم
لە ئێوارەی تەنیاییدا بەدمەست نەبووم، خەیاڵ نەبووم
ئەگەر غەرقی ئەوینت بووم، خۆ باڵندەی بێباڵ نەبووم
یان هەناری دارهەتاوی ناو بەفرەکەی مەغریب نەبووم
بڕۆ ئیتر جارێکی تر تۆ بە نەرمی نامبینیەوە
من بەفر بم تۆ خۆرەتاو هەر ئەبێ تۆ بتوێیتەوە

0 0 دەنگ
Article Rating
ئاگادار بوونەوە
ئاگادار بوونەوە لە
guest
0 Comments
Inline Feedbacks
دیتنی هەموو سەرنجەکان
0
فەرموو سەرنجی خۆت بنووسەx
()
x