گۆرانی کوردی

وەتەن – حەسەن دەرزی

وەتەن
هۆنراوە: مامۆستا هێمن – مامۆستا قانع
گۆرانیبێژ: حەسەن دەرزی

زەوی ئێستاش لە ڕووت هەڵدێ بدەی سووڕ؟
نەڕووخای ئاسمانی پیری پشت کووڕ؟
کە سۆمایی لە چاو باوکان بڕاوە
بەرۆکی پیرە دایکان دادڕاوە

وەتەن قەوم و کەس و کار
وەتەن هۆی ژین و ژیوار
وەتەن ئامێز و دڵدار
وەتەن بۆت دەمرم ئەمجار

بە ناحەق خوێنی تێکۆشەر دەڕێژن
شەهیدی بێ سەر و بێ شوێن دەنێژن
کە کوندی⋆ شووم لە گوندی کورد دەخوێنێ
کە گەنجی کورد دەگەوزێنێ لە خوێنێ

وەتەن گیان و دڵی دایە
وەتەن دەینی لە ملمایە
سەری بێ نرخ و بێ مایە
لە پێناوی وەتەندایە

دە با باش تێبگا ئەو دوژمنەی پەست
ڕەوەز ورد ناکرێ هەرگیز بە داردەست
دەبێ کوند هەر بەرەو وێرانە بفڕێ
هەڵۆ لەو شاخە سەربەرزانە نابڕێ

وەتەن قەوم و کەس و کار
وەتەن هۆی ژین و ژیوار
وەتەن ئامێز و دڵدار
وەتەن بۆت دەمرم ئەمجار

ئای… ئاخ… ئەی… ئازیز، ئازیز
ئەگەر مردم وەتەن لاوانی تۆ خۆش
ئەگەر زاڵم نەما دەورانی تۆ خۆش
موخەیەر بم، موخەیەر بم، لە بەین تۆ و بەهەشتدا
لە جەنەت، لە جەنەت دوور ئەبم، سەیرانی تۆ خۆش
ئەگەر خۆ ‘قانع’یش ئەمڕۆ نەمێنێ
وەتەن ڕەبی وەتەن خواهانی تۆ خۆش
ئاخ… ئەی… وەی…

3.7 3 دەنگ
Article Rating
ئاگادار بوونەوە
ئاگادار بوونەوە لە
guest
2 Comments
کۆنترین
نوێترین زۆرترین دەنگ
Inline Feedbacks
دیتنی هەموو سەرنجەکان
zanyar
zanyar
22 ڕۆژ لەمەوبەر

سڵاو یەکەم جارە سەردانی ئەم سایتە ئەکەم بەڕاستی زۆر شاز و ناوازەیە هەر بژین

2
0
فەرموو سەرنجی خۆت بنووسەx
()
x