گۆرانی کوردی

کیژی لادێ – عەباس کەمەندی


کیژی لادێ
ئەلبۆم: کیژی کورد
گۆرانیبێژ: عەباس کەمەندی

 

کیژی لادێ هام بە تاسەی پەلکە ڕەش سەر شانەکەت
هام بە تاسەی دەم بەیانی بۆی تەنووری نانەکەت
هام بە تاسەی بۆنی مێخەک تۆی تورنجی شاڵەکەت
ڕەنگی سوخمە و سینەپۆش و بازنە و خڕخاڵەکەت

سەردەمێکە دوور لە باڵات وا لە شارانە ئەژیم
ژین چ ژینێ، چاوەکانم، گیرووەی ئاخرشەڕیم
سەردەمێکە دوور لە باڵات وا لە شارانە ئەژیم
ژین چ ژینێ، چاوەکانم، گیرووەی ئاخرشەڕیم

جار بە جارێ دێتە بیرم ژینی ڕابردووم لە دێ
سێبەری دارووتەلانی خێزەڵانی دەوری ڕێ
خوڕخوڕی فرمێسکی حەسرەت جا لە چاوم دێتە خوار
بۆ خوەم و بۆ بەختی سەرگەردانم ئەگریم زاری زار

کیژی لادێ هام بە تاسەی پەلکە ڕەش سەر شانەکەت
هام بە تاسەی دەم بەیانی بۆی تەنووری نانەکەت
هام بە تاسەی بۆنی مێخەک تۆی تورنجی شاڵەکەت
ڕەنگی سوخمە و سینەپۆش و بازنە و خڕخاڵەکەت

دڵتەنگم بۆ لێوی ئاڵ و دوو دییە شەرمینەکەو
بۆ دەم ئێوارانی حەوش و سۆزی مەڕ دۆشینەکەو
دڵتەنگم بۆ لێوی ئاڵ و دوو دییە شەرمینەکەو
بۆ دەم ئێوارانی حەوش و سۆزی مەڕ دۆشینەکەو

کیژی لادێ سەختە دووریت، تاڵە ڕەنجی ڕۆزگار
ناحەزە دووری وڵاتوو ناخۆشە ژینم لە شار
کیژی لادێ وەختە جەرگم پڕ بە دڵ بێ بە کەواو
هێندە تینووی ئاوی کێوم پڕ بە تاسەی کانیاو

0 0 vote
Article Rating
بە ئەندام بوون
ئاگادار بوونەوە لە
guest
0 Comments
Inline Feedbacks
View all comments
0
Would love your thoughts, please comment.x
()
x